19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ֆրեզնոյում հայկական պատմական տներ են հրդեհվել
05.06.2020 | 22:02
Ֆրեզնոյի Հայկական թաղամասում հայկական պատմական երկու տուն է այրվել։ Դրանցից մեկն ամբողջությամբ գետնին է հավասարվել, մյուսը՝ մեծապես վնասվել։ Այս մասին հայտնում է abc30.com լրատվական կայքը։
Սանտա Կլարա և Էմ փողոցներում գտնվող տները կառուցվել են 1900-ին։ «Հայաստանի ժառանգության թանգարանից» Վարուժան Տեր-Սիմոնյանն ասում է, որ սա մեծ կորուստ ու հարված է հայ համայնքի և Ֆրեզնոյի համար: Նրա խոսքով՝ քաղաքի կողմից այս տների պահպանության համար 2․4 միլիոն դոլար էր ներդրվել։
Աղբյուրի փոխանցմամբ՝ Ֆրեզնոյի Հայկական քաղաքի չորս տները միշտ չէ, որ այնտեղ են գտնվել։ Դրանք կառուցվել են 1901-ին։ Տներն ունեցել են բարձր առաստաղներ ու մեծ պատուհաններ։ Դրանք վերականգնվել են ու վերածվել գրասենյակների և բիզնես տարածքների: Հրդեհի բռնկման ժամանակ շինությունների ներսում ոչ ոք և ոչինչ չի եղել։
Չնայած մնացած տների ապագան անորոշ է՝ Վարուժան Տեր-Սիմոնյանը հույս է հայտնում, որ մի օր դրանք կծառայեն հայոց պատմության ցուցահանդեսների համար։
