«Պարետատան այսօրվա նիստում շատ բուռն քննարկում է կայացել, խոսքը մեր հետագա անելիքների վերաբերյալ է: Ես չեմ ուզում թաքցնել՝ մենք քննարկել ենք մի քանի սցենարներ, այդ թվում տոտալ արգելափակումների փուլ մտնելու տարբերակը, այդ թվում նաև պարետային ժամ հայտարարելու տարբերակը, նաև տնտեսական գործունեությունների հիմնական մասն արգելելու տարբերակը»,- այսօր պարետատան նիստից հետո հրավիրված ճեպազրույցին ասաց վարչապետ Նիկոլ Փաշինյանը:
Նրա խոսքով, սակայն, ինքն այդ տարբերակներից ոչ մեկի կողմնակիցը չէ․ «Ես այդ քննարկումների ժամանակ ինքս ներդաշնակ չեմ որոշումներից որևէ մեկի կապակցությամբ, որովհետև մենք նման որոշումներ կայացնելուց առաջ պետք է համոզված լիենք, որ դրանք լուծելու են մեր խնդիրները: Մենք ելնում ենք այն կանխավարկածից, որ կորոնավիրուսի համավարակի գագաթնակետը պետք է լինի հունիսի վերջին, բայց հարցը հետևյալն է, դա հիմնավորող և ապացուցող որևէ տվյալ չկա: Որևէ մեկը չի կարող ապացուցված համարել, որ մեր պիկը լինելու է հունիսին, այլ ոչ հոկտեմբերին, դեկտեմբերին, նույնիսկ ոչ 2021-ի փետրվարին»:
Մանրամասները՝ տեսանյութում։
