08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՀՀ-ում կորոնավիրուսից մահացածների տվյալների արտահոսքի վերաբերյալ նյութերն ԱԱԾ-ում են
Հասարակություն
04.06.2020 | 15:43
Հայաստանում կորոնավիրուսից մահացած անձանց տվյալների արտահոսքի առնչությամբ Առողջապահության նախարարությունն ԱԱԾ է դիմել։ Այդ մասին Factor.am-ի հարցին ի պատասխան հայտնեց ՀՀ ԱՆ խոսնակ Ալինա Նիկողոսյանը։
ԱԱԾ լրատվական բաժնից Factor.am-ին փոխանցեցին, որ նյութերը երեկ են ստացել, ներկայումս դրանք ուսումնասիրման փուլում են գտնվում։
Նշենք, որ ավելի վաղ՝ ԱՆ-ից Factor.am-ին հայտնել էին, որ պատրաստվում են դիմել իրավապահ մարմիններին, քանի որ տեղի ունեցածը համարում են մարդկանց իրավունքների ոտնահարում։
Հիշեցնենք՝ հունիսի 1-ին՝ 23։09-ի սահմաններում, «Զնդան» անունով ֆեյսբուքյան էջում հրապարակվել էին լուսանկարներ, որոնցում նշված էին Հայաստանում կորոնավիրուսի հետևանքով մահացած 132 անձանց տվյալները (անուն, ազգանուն, ծննդյան ամիս, ամսաթիվ, բնակության հասցե և այն բուժհաստատությունը, որտեղ բուժում են ստացել)։
Նելլի Մելքոնյան
