Քաղաքականություն
04.06.2020 | 12:25«Բարգավաճ Հայաստան» խմբակցությունը կողմ կքվեարկի «Իմ քայլը» խմբակցության պատգամավոր Նարեկ Զեյնալյանի առաջարկած նախագծին՝ չնայած հեղինակի՝ դեմ քվեարկելու հորդորին։ Այս մասին այսօր Ազգային ժողովում հայտարարեց խմբակցության պատգամավոր Նաիրա Զոհրաբյանը։
Նշենք, որ նախագծով առաջարկվում է մեկուսացման նպաստ սահմանել պարետատան ցուցումով մեկուսացած կամ ինքնամեկուսացած աշխատող անձանց։
Հեղինակի պնդմանը, թե նախագիծը լրամշակման, հաշվարկների կարիք ունի, Զոհրաբյանը պատասխանեց․ «Էդ հաշվարկները պիտի վաղուց արած ունենայիք։ Հիմա կողմ կքվեարկենք, այն ժամանակը, որ ՀՀ նախագահը պետք է ստորագրի, որպեսզի օրենքը մտնի ուժի մեջ, այդ օրերը կօգտագործենք՝ Ձեզ հետ միասին հաշվարկներ անելու համար»։
Նա նաև հայտարարեց, որ իրեն Նոյեմբերյանից բժիշկներ են դիմել, ովքեր պնդում են, որ բոլորը վարակված են, սակայն թեստեր չեն անում։
Մանրամասները՝ տեսանյութում։
