27.08.2026 | 17:46
Մոսկվայում Ադրբեջանի դեսպանատան հյուրատան մոտ ակցիա է անցկացվել․ Բաքուն դատապարտել է «սադրանքը»․ ՏԵՍԱՆՅՈՒԹ
Երևանի քաղաքապետարանում կորոնավիրուսի դեպքեր են հաստատվել
01.06.2020 | 18:42
Երևանի քաղաքապետարանի որոշ աշխատակիցների մոտ կորոնավիրուս է հաստատվել: Տեղեկությունը մեզ հետ զրույցում հաստատեց Երևանի քաղաքապետի մամուլի խոսնակ Հակոբ Կարապետյանը:
Նա ասաց, որ հստակ տվյալներ չունի, թե քանի հոգու մոտ է վիրուսը հաստատվել.«Քաղաքապետարանի համակարգում ընդհանրապես վարակակիրներ կան, առաջինը եղել է Աղբահանության հիմնարկում: Քաղաքապետարանում ևս կա, թիվ չգիտեմ»:
Հակոբ Կարապետյանն ասաց, որ այն աշխատակիցները, որոնք որ թեստավորման ցուցում ունեն, թեստավորվել են:
Հարցին՝ իսկ քաղաքապետ Հայկ Մարությանը թեստավորվե՞լ է, Հակոբ Կարապետյանը պատասխանեց, որ անձնական տեղեկություններ չի կարող հաղորդել: Մամուլում այսօր տեղեկատվություն էր հրապարակվել, որ քաղաքապետի գործավարուհին ևս վարակված է: Հակոբ Կարապետյանն այս տեղեկությունը ևս չմեկնաբանեց:
Նարեկ Կիրակոսյան
