03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Վարչապետի հնարավոր ժամանակավոր անաշխատունակության դեպքում ո՞վ է փոխարինելու նրան ըստ օրենքի
Քաղաքականություն
01.06.2020 | 12:37
Այսօր հայտնի դարձավ, որ ՀՀ վարչապետ Նիկոլ Փաշինյանն ու նրա ընտանիքը վարակվել են կորոնավիրուսով։ Փաշինյանն ասաց, որ շարունակելու է աշխատել վարչապետի կեցավայրից։ Օրենքը սահմանում է նաև այն դեպքերը, երբ հիվանդությամբ կամ այլ պատճառաբանությամբ պայմանավորված՝ վարչապետը բացակայում է։
Համաձայն «Կառավարության կառուցվածքի և գործունեության մասին» օրենքի 7-րդ հոդվածի՝ վարչապետի բացակայության ժամանակ նրան փոխարինում է առաջին փոխվարչապետը։ Բացակայություն կարող է համարվել նաև հիվանդությամբ պայմանավորված ժամանակավոր անաշխատունակությունը կամ արձակուրդում գտնվելը։ Վարչապետի պարտականությունները կատարող փոխվարչապետը իրականացնում է օրենքներով սահմանված լիազորությունները, բացառությամբ՝ մի քանիսի։
Եթե առաջիկայում ստեղծվի այնպիսի իրավիճակ, որ Նիկոլ Փաշինյանին փոխարինի Տիգրան Ավինյանը, նա չի կարողանա հրաժարական ներկայացնել, առաջարկ անել փոփոխություններ կատարել Կառավարության կազմում, փոխվարչապետը չի կարող Կառավարության վստահության հարցը դնել, ազատել պաշտոններից վարչապետի նշանակած պաշտոնյաներին, չի կարողանա փոխել փոխնախարարների կամ նախարարությունների թիվը և այլն։
Ռոբերտ Անանյան
