17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Հասանովը փաստացի ընդունեց, որ ապրիլյան գործողությունների նախաձեռնողը ադրբեջանական կողմն է․ ՊՆ արձագանքը ադրբեջանցի նախարարի հայտարարությանը
Քաղաքականություն
30.05.2020 | 19:00
Ադրբեջանի պաշտպանության նախարար Զաքիր Հասանովն այսօր խորհրդակցություն է անցկացրել և հոխորտացել՝ փաստացի և վերջնականապես ընդունելով, որ 2016-ի ապրիլյան գործողությունների նախաձեռնողը ադրբեջանական կողմն է՝ ի դեմս իրեն և իր գերագույն հրամանատարի: Այս մասին ֆեյսբուքում գրել է ՀՀ ՊՆ խոսնակ Շուշան Ստեփանյանը։
«Ավելին՝ նա խոստովանեց, որ իրենք այնքան էլ գոհ չեն ապրիլյանի արդյունքներից, իրենց առջև դրված խնդիրը չեն կարողացել լուծել:
Հետևաբար, նա անձամբ պատասխան է տալու ինչպես նախկինում, այնպես էլ այսօրվա ցանկացած բառի, որոշման և ինչպես հայ, այնպես էլ ադրբեջանցի զինծառայողների թափված արյան համար։ Հիշեցնում ենք ադրբեջանական ռազմաքաղաքական ղեկավարությանը, որ վաղուց ժամանակն է համակերպվել տարածաշրջանում խաղաղության եւ ռազմական համազորության հետ:
Հակառակ դեպքում հայկական զինված ուժերը ամենայն վճռականությամբ, արհեստավարժությամբ և ավերիչ հարվածներով ստիպված կլինեն բազմապատկելու 1994 թթ-ի եռակողմ հրադադարի արդյունքները և պաշտպանելու Հայաստանի ու Արցախի միասնական անվտանգությունը»,- գրել է ՊՆ խոսնակը:
