08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուբեն Հայրապետյանը նշել է, որ ուժեղ տեսակ է, չի փախչի. մենք շուտով դա կտեսնենք. Տիգրան Ուլիխանյան. ՏԵՍԱՆՅՈՒԹ
Քաղաքականություն
29.05.2020 | 21:15
Հանրությունն ունի իրավունք հիասթափվելու, որ քրեական գործեր են հարուցվում, բայց հետո որոշ մարդիկ չեն կալանավորվում, և նրանց նկատմամբ հետախուզում է հայտարարվում։ Այդ մասին այսօր խորհրդարանում՝ Factor.am-ի հետ զրույցում, ասաց ԱԺ «Իմ քայլը» խմբակցության պատգամավոր Տիգրան Ուլիխանյանը։
Նա շեշտեց, որ նման դեպքերում իրենք պետք է ընտրեն օրենքը և մինչև կալանավորման որոշումն անձին չեն կարող ազատությունից զրկել։ Ինչ վերաբերում է հետախուզման մեջ գտնվող Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի գործին՝ պատգամավորն ասաց. «Ռուբեն Հայրապետյանը բազմիցս նշել է, որ ուժեղ տեսակ է, չի փախչի. մենք շուտով դա կտեսնենք»։
Հիշեցնենք, որ Հայրապետյանը որպես մեղադրյալ է ներգրավվել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով (ինքնիրավչություն):
Մանրամասները՝ տեսանյութում:
Մերի Մարտիրոսյան
