08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
2 շինարարական ընկերությունների վերաբերյալ գործն ուղարկվել է ԱԱԾ. Փաշինյան. ՏԵՍԱՆՅՈՒԹ
Հասարակություն
27.05.2020 | 17:43
Այսօր Ազգային ժողովում «Լուսավոր Հայաստան» խմբակցության պատգամավոր Անի Սամսոնյանը վարչապետ Նիկոլ Փաշինյանին հարց ուղղեց շինարարական այն 2 ընկերությունների մասին, որոնք, ըստ տարբեր պնդումների, կեղծ բանկային երաշխիքի միջոցով մասնակցել են պետական գնումների մրցույթի։
«Որոշ ընկերություններ բանկային երաշխիքի կեղծ փաստաթղթեր են ներկայացրել, ինչպես «Ռաշըն վոյաժ»-ը, որի տնօրենն ազգակցական կապ ունի Ղալումյանների ընտանիքի հետ, իսկ Իջևանի համայնքապետի պաշտոնակատար Հայկ Ղալումյանի հետ վարչապետը մտերիմ է, նա վարչապետի քավորն է»,- ասաց Անի Սամսոնյանը՝ վարչապետից հետաքրքրվելով՝ արդյո՞ք քրեական գործ կա հարուցված այս փաստով։
Նիկոլ Փաշինյանն ի պատասխան նշեց, որ այդ գործն ուղարկվել է ԱԱԾ։
«Ինչ վերաբերում է կապերին, ՀՀ-ն փոքր է, և եթե շատ խորանանք, հնարավոր է՝ Ձեր ընտանիքի հետ էլ կապեր գտնվեն»,- ասաց նա։
Վարչապետը նաև հավելեց՝ առաջին անգամ է լսում, որ իր ընկերը ներգրավված է նման գործում։
Մանրամասները՝ տեսանյութում։
