26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Նախարարը ժամանակը պետք է ծախսեր վարակի դեմ պայքարի համար, բայց ծախսում է ֆեյսբուքյան գրառումների վրա. Գորգիսյան. ՏԵՍԱՆՅՈՒԹ
26.05.2020 | 19:00
Նախարարն այնքան ժամանակ ունի, որ դատարկաբանությամբ է զբաղված, փոխանակ աշխատի։ Այդ մասին Factor.am-ի հետ զրույցում այսօր ասաց «Լուսավոր Հայաստան» խմբակցության քարտուղար Գեւորգ Գորգիսյանն՝ արձագանքելով իր ելույթի վերաբերյալ Առողջապահության նախարարի ֆեյսբուքյան գրառմանը։
Նշենք, որ Գորգիսյանն այսօր ԱԺ ամբիոնից նշեց, որ դիմակի տուփի վրա գրված է՝ չի պաշտպանում Covid 19-ից։ Ի պատասխան Արսեն Թորոսյանը ֆեյսբուքյան էջում գրել էր. «Հաջորդիվ պարոն Գորգիսյանը կխոսի 5G աշտարակներով չիպավորելու, սոդայով քաղցկեղ բուժելու և հարթ երկրագնդի տեսությունների (Flat Earth) մասին»։
Գորգիսյանը հիշեցրեց՝ երբ նախարարն ասում էր՝ դիմակը որևէ կերպ չի կարող պաշտպանել, ինքը դեռ մարտ ամսից ԱԺ նիստերին դիմակով էր գալիս։ «Նախարարն իր ժամանակը պետք է ծախսեր վարակի դեմ պայքարի համար, բայց ծախսում է ֆեյսբուքյան անհասկանալի գրառումների վրա»,-շեշտեց պատգամավորը։
Գորգիսյանն անդրադարձավ նաև վարչապետի աշխատանքին այս շրջանում՝ ասելով, որ Փաշինյանը պետք է գիտակցի, որ մեղք է գործել, սխալ կառավարում է թույլ տվել։
Մանրամասները՝ տեսանյութում:
Մերի Մարտիրոսյան
