19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
Լավրովը՝ պաշտպանական ոլորտում հայ-ռուսական հարաբերությունների մասին
Քաղաքականություն
26.05.2020 | 16:10
Հայ-ռուսական հարաբերությունները գնահատում ենք դաշնակցային, դրանք հենց այդպիսին են։ ՀԱՊԿ անդամ պետությունների ԱԳ նախարարների խորհրդի նիստից հետո լրագրողների հետ առցանց ճեպազրույցում պատասխանելով պաշտպանական ոլորտում ՀԱՊԿ շրջանակում և երկկողմ ձևաչափով հայ-ռուսական հարաբերությունների մասին հարցին՝ ասաց ՌԴ ԱԳ նախարար Սերգեյ Լավրովը։
«Դա վերաբերում է և՛ ՀԱՊԿ շրջանակում, և՛ երկկողմ ձևաչափով հարաբերություններին։ Ռազմական փոխգործակցությունը չափազանց սերտ է։ Հայաստանում ռուսական ռազմաբազա կա, որն օգնում է ապահովել տարածաշրջանային կայունությունն ու անվտանգությունը։ Ինչ վերաբերում է ռազմատեխնիկական համագործակցությանը և ռազմատեխնիկական օգնությանը, որը մենք ցուցաբերում ենք Հայաստանին, այստեղ նույնպես մենք սերտ և արդյունավետ աշխատում ենք։ Այնպես որ՝ այստեղ որևէ հարց չի առաջանում»,- հավելեց Սերգեյ Լավրովը։
