07.06.2026 | 17:19
ՀՀ նախագահը քվեարկել է
Վահագն Հովակիմյանը պետք է որոշի՝ ինքն է դատվում, թե՞ Բուքիքյոն և Սերժ Սարգսյանը. Մարուքյան. ՏԵՍԱՆՅՈՒԹ
Հասարակություն
26.05.2020 | 15:00
Առավոտյան նիստի ժամանակ բանավեճն այն մասին չէր՝ դիմակ պե՞տք է դնել, թե՞ ոչ, բանավեճն այն մասին էր, որ դիմակ չկրելու համար պատգամավորը չի կարող նախազգուշացում ստանալ, և ԱԺ-ն չի կարող հեռացնել պատգամավորին մեկ օրով, այնուհետև՝ յոթ օրով, որի մասին հայտարարվեց։ ԱԺ-ում լրագրողների հետ ճեպազրույցում այս մասին ասաց «Լուսավոր Հայաստան» խմբակցության ղեկավար Էդմոն Մարուքյանը։
Նշենք, որ խոսքը ԱԺ նախագահ Արարատ Միրզոյանի կողմից «Բարգավաճ Հայաստան» խմբակցության պատգամավոր Գևորգ Պետրոսյանին դիմակ չկրելու համար արված նախազգուշացման մասին է։ Մարուքյանի կարծիքով՝ այդ քայլը հակասահմանադրական է։
Անդրադառնալով սահմանադրական փոփոխությունների հանրաքվեին և պատասխանելով լրագրողի հարցին՝ ինչպե՞ս ստացվեց, որ Վենետիկի հանձնաժողովը գործող իշխանությունների համար վստահելի դարձավ, երբ ոչ վաղ անցյալում քննադատության էր ենթարկվում, Էդմոն Մարուքյանն ասաց․ «Ես հիշում եմ, որ Վահագն Հովակիմյանն ասում էր՝ Վենետիկի հանձնաժողովի նախագահն ադամանդակուռ կաշառք է ստացել, դրա վերաբերյալ հայտարարություններ կան։ Հիմա պետք է քրեական գործ հարուցվի, և Վահագն Հովակիմյանը կա՛մ պետք է սուտ մատնության համար դատվի, կա՛մ պետք է Բուքիքյոն դատվի կաշառք վերցնելու, Սերժ Սարգսյանը՝ կաշառք տալու համար»։
Մանրամասները՝ տեսանյութում։
