08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պետք է պարզել՝ Մանվել Գրիգորյանի վիճակը վատանում է նիստից առա՞ջ, թե՞ պարբերաբար. դատախազ. ՏԵՍԱՆՅՈՒԹ
Հասարակություն
26.05.2020 | 14:57
ԱԺ նախկին պատգամավոր Մանվել Գրիգորյանի գործով դատական նիստին մեղադրողը միջնորդությամբ հանդես եկավ՝ խնդրելով դատարանի հարցում իրականացնել իրավասու մարմնին՝ պարզելու՝ ինչ հաճախականությամբ է շտապօգնության կանչ գրանցվում նրա համար. «Դրանով հնարավոր է պարզել՝ արդյոք Մանվել Գրիգորյանը խուսափում է դատական նիստին ներկայանալուց»։
Գրիգորյանի պաշտպաններից Լևոն Բաղդասարյանն ասաց, որ Մանվել Գրիգորյանը գտնվում է բժիշկների 24-ժամյա հսկողության տակ. «Ավելին՝ մենք կորցնում ենք Արցախի հերոս, այս գործով ամբաստանյալ Մանվել Գրիգորյանին։ Նա Հայաստանում բուժօգնության հետ կապված բուժում չի ստանում»։
Մյուս պաշտպանն էլ առաջակեց մեղադրողին տեսակցել Գրիգորյանին. «Մի հատ եկեք, տեսեք կամ կարող ենք օնլայն կազմակերպել, թե ինչ վիաճկում է նա»։
Նշենք, որ Մանվել Գրիգորյանը մի քանի ամիս է՝ իր գործով դատական նիստերին չի մասնակցում, պաշտպանական կողմը նրա բացակայությունը պատճառաբանում է առողջական ծանր վիճակով։ Դատարանը հետաձգեց միջնորդության լուծումը։
Մանրամասները՝ տեսանյութում։
Լիլիթ Շաբոյան
