11.06.2026 | 11:33
Գյումրիում կարկուտի հետևանքով ջրալցվել են տներ, անձրևաջրերի կուտակման պատճառով արգելափակվել են ավտոմեքենաներ
Երբ հարձակվում են պատգամավորի վրա, նախազգուշացում չեք հայտարարում․ Մարուքյանը Միրզոյանին մեղադրեց երկակի ստանդարտներ կիրառելու համար. ՏԵՍԱՆՅՈՒԹ
Քաղաքականություն
26.05.2020 | 11:06
ԱԺ «Լուսավոր Հայաստան» խմբակցության ղեկավար Էդմոն Մարուքյանը դժգոհություն հայտնեց «Բարգավաճ Հայաստան» խմբակցության պատգամավոր Գևորգ Պետրոսյանին դիմակ չկրելու համար նախազգուշացում տալու առնչությամբ։
Պատգամավորը ԱԺ նախագահի գործողություններում երկակի չափանիշներ է տեսնում։
«Երբ հարձակվում են պատգամավորների վրա, բռնություն են գործադրում, ոչ մի պատգամավորի դուրս չեք հրավիրում, նախազգուշացում չեք հայտարարում։ Վարչապետը ելույթ է ունեցել, արդարացրել է բռնությունը, Դուք ծափահարել եք։ Պարո՛ն Միրզոյան, ԱԺ նախագահը պետք է փորձի գոնե մնալ անաչառ, գոնե երևալ անաչառ, Դուք ծափահարել եք։ Հիմա մենք ասում ենք, որ այո՛, դիմակ դնելը ճիշտ է, լավ է, բայց պետք չէ էն մի ծայրահեղության մեջ ընկնել, որ մարդը միայնակ ինչ-որ սենյակում նստած է դիմակով ու ընդհանրապես դրա անհրաժեշտությունը չկա, դա ծայրահեղություն է»,- նշեց Մարուքյանը։
Մանրամասները՝ տեսանյութում։
