25.08.2026 | 09:40
ՃՏՊ Գորիս-Հալիձոր ավտոճանապարհին․ տուժածներից մեկին հիվանդանոց են տեղափոխել
Ուժեղ քամին մեծ վնասներ է հասցրել Անի համայնքի մի շարք բնակավայրերին. ԼՈՒՍԱՆԿԱՐՆԵՐ
25.05.2020 | 16:34
Այսօր գրանցված ուժեղ քամու հետևանքով Շիրակի մարզի Անի համայնքի մի շարք բնակավայրեր մեծ վնասներ են կրել։ Քամին քշել է տանիքներ, վնասել տների պատուհաններն ու կտուրները։
«Ներկայում գտնվում ենք Քարաբերդ գյուղում, դպրոցի տանիքն է քշել քամին մի մասնաշենքի՝ բավականին լուրջ վնասներով, նաև բնակարաններ կան, որոնք բավականին մեծ վնասներ են կրել՝ կտուրները մասամբ կամ ամբողջովին քշել է քամին, նաև ապակիներ, մեծ պատուհաններ ն վնասվել։ Խնդիրներ ունենք նաև Գուսանագյուղ համայնքում, Շիրակավանում, Ձիթհանքովում»,- Factor.am-ի հետ զրույցում ասաց Անի խոշորացված համայնքի ղեկավար Արտակ Գևորգյանը։
Նա նաև նշեց, որ այսօրվա քամին առավել մեծ վնասներ է հասցրել, քան օրեր առաջ մարզում բարձրացած ուժգին քամին։
«3-4 օր առաջ եղած քամու ժամանակ մեր 9-10 բնակավայրերում ևս կային վնասներ, որոնք ավելի փոքրածավալ էին: Ներկայում հանձնաժողովը դեռ ուսումնասիրում է։ Այսօրվա քամին ավելի մեծ, ավելի զանգվածային վնասներ է պատճառել»,- ասաց Արտակ Գևորգյանը։
Քամու հետևանքով զոհեր չկան։ Այս պահին Շիրակի մարզպետարանի պատասխանատուները, ԱԻՆ փրկարար ծառության Շիրակի մարզի փրկարարական վարչության աշխատակիցներն աշխատանքներ են տանում՝ ստացած ահազանգերին արձագանքելու և համայնքներին պատճառված վնասի չափերը հստակեցնելու ուղղությամբ։
Էմմա Չոբանյան
