08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Փոթորիկը Գյումրիում տանիքներ է վնասել. ԼՈՒՍԱՆԿԱՐՆԵՐ, (ԹԱՐՄԱՑՎԱԾ)
22.05.2020 | 20:04
Քիչ առաջ Գյումրիում փոթորիկ է տեղի ունեցել, ինչի արդյունքում վնասվել են բազմաբնակարան շենքի տանիքներ:
Այս մասին Factor.am-ին տեղեկացրեցին քաղաքի բնակիչները:
Նրանց փոխանցմամաբ՝ նյութական վնասները առայժմ պարզ չեն:
Իսկ Շիրակի մարզպետ Տիգրան Պետրոսյանի փոխանցմամբ. «Մոտ կես ժամ տևած ուժգին քամին բավականին վնասներ է հասցրել Շիրակի մարզի մեկ տասնյակից ավել բնակավայրերում։
Հիմնականում վնասվել են սեփական տների և բազմաբնակարան շենքերի տանիքները, կան շուռ եկած ծառեր. մարդկային զոհեր չունենք։
ԱԻՆ-ի ծառայողները և համայնքների ներկայացուցիչներն այս պահին իրականացնում են մաքրման, էլեկտրական միացումների վերականգման և վնասների գնահատման աշխատանքներ։
Վնասներ կրած համայնքների ղեկավարներին հանձնարարվել է տեղերում ձևավորել հանձնաժողովներ և գնահատված վնասների մասին տեղեկատվությունը ներկայացնել մարզպետարան»:
