07.06.2026 | 22:41
Գրառում` ՔՊ-ի քվեաթերթիկի վրա. այն անվավեր ճանաչվեց․ ՏԵՍԱՆՅՈՒԹ
Ինչո՞ւ նախագահ Արմեն Սարգսյանը երեկ Արցախում չէր
22.05.2020 | 19:01
Երեկ տեղի ունեցավ Արցախի չորրորդ նախագահ Արայիկ Հարությունյանի երդմնակալության արարողությունը, որին մասնակցում էին Հայաստանի և Արցախի բարձրաստիճան պաշտոնյաները: Սակայն բացակայում էր Հայաստանի չորրորդ նախագահ Արմեն Սարգսյանը:
Factor.am-ը մեկնաբանություն ստանալու խնդրանքով դիմեց նախագահի աշխատակազմին՝ պարզելու, թե ինչո՞ւ Արմեն Սարգսյանը չի մասնակցել երդմնակալությանը: Այնտեղից մեզ փոխանցեցին, որ նախագահը միջոցառմանը չի մասնակցել կորոնավիրուսի պատճառով:
«Հայաստանի Հանրապետության նախագահ Արմեն Սարգսյանը հրավիրված է եղել Արցախի Հանրապետության նախագահ Արայիկ Հարությունյանի երդմնակալության արարողությանը: Սակայն, նկատի առնելով նախ և առաջ կորոնավիրուսի համավարակը, ինչպես նաև արարողակարգային մի շարք հանգամանքներով պայմանավորված, նախագահ Սարգսյանը ներկա չի գտնվել երդմնակալության արարողությանը: Միաժամանակ, տեղեկացնում ենք, որ ինչպես երդմնակալության արարողությունից առաջ, այնպես էլ դրանից հետո նախագահ Արմեն Սարգսյանը հեռախոսազրույցներ է ունեցել Արցախի նախագահ Արայիկ Հարությունյանի և Արցախի երրորդ նախագահ Բակո Սահակյանի հետ: Նախագահ Արմեն Սարգսյանը նախագահ Արայիկ Հարությունյանի հետ պայմանավորվածություն ունի Արցախ այցելել ավելի ուշ»,- ասված է ՀՀ նախագահի աշխատակազմի հասարակայնության հետ կապերի վարչությունից Factor.am-ին փոխանցված պատասխանում:
