20.01.2026 | 16:00
Արփինե Սարգսյանը ՆԳՆ Ոստիկանության և Փրկարար ծառայության անձնակազմերին է ներկայացրել նորանշանակ ղեկավարներին
Երևանի թիվ 50 մանկապարտեզի աշխատակիցների թեստը բացասական է եղել․ նրանք վարակակիրներ չեն
22.05.2020 | 18:55
Այսօր Factor.am-ին տեղեկություն փոխանցեցին, որ Երևանի թիվ 50 մանկապարտեզի 2 աշխատակիցների մոտ կորոնավիրուս է ախտորոշվել։ Տեղեկությունը ճշտելու համար Factor.am-ը կապ հաստատեց Երևանի քաղաքապետի մամուլի խոսնակ Հակոբ Կարապետյանի հետ, ով հերքեց տեղեկությունը․ « Ոչ, նման տեղեկություն չունենք»,- նշեց Կարապետյանը։
Կապ հաստատեցինք նաև թիվ 50 մանկապարտեզի տնօրեն Արմինե Բաղդասարյանի հետ։ Վերջինս նշեց, որ մանկապարտեզի 2 աշխատակիցներ թեստ են հանձնել, սակայն պատասխանը բացասական է եղել․ «Երկու աշխատող ջերմել են, բուժզննման են գնացել, թեստ են հանձնել, բացասական արդյունքով։ Մենք աշխատում ենք բնականոն ռեժիմով։ Թեստավորվել են 4 օր առաջ՝ մինչև աշխատանքը սկսելը»,- նշեց Բաղդասարյանը։
Մանկապարտեզի տնօրենը նաև ընդգծեց, որ աշխատակիցներն այժմ իրենց լավ են զգում և երկուշաբթի օրվանից կգնան աշխատանքի։
