15.01.2026 | 22:37
ՀՀ տարածքում կան փակ ավտոճանապարհներ
Հնարավոր է, ինչպես պատերազմի ժամանակ, վերցնենք նրանց, ովքեր բուժման շանս ունեն․ Արսեն Թորոսյան. ՏԵՍԱՆՅՈՒԹ
22.05.2020 | 13:03
Կորոնավիրուսով հիվանդների դեպքում խորը սորտավորման կարող է գնանք, որն արվում է պատերազմի ժամանակ, երբ հիմնականում այն պացիենտներին են վերցնում բուժման, որոնք շանս ունեն փրկվելու և հակառակը։ Այս մասին այսօր Հանրային խորհրդի հետ տեսաքննարկման ժամանակ ասաց առողջապահության նախարար Արսեն Թորոսյանը՝ պատասխանելով Դանիել Իոաննիսյանի հարցին՝ արդյո՞ք հնարավոր է հասնենք այն վիճակին, երբ ստիպված լինենք հասկանալ՝ ո՞ր հիվանդին պատշաճ ռեանիմացիոն բուժօգնություն տրամադրել, ո՞ր հիվանդների համար, այսպես ասած, «մահապատիժ ենք սահմանում»։
«Ես, իհարկե, այդ տերմինալոգիան չէի օգտագործի՝ մահվան դատապարտել և այլն, բայց խորը սորտավորման, հնարավոր է, գնանք։ Չի բացառվում, որ նույն տեմպի պահպանման ժամանակ մենք մոտ օրերս դրան գնանք, բայց մենք ամեն ինչ անում ենք, որ չգնանք՝ մահճակալներ ենք ծավալում և այլն։ Այն տարբերակով, որ եթե այսօրվանից նոր հիվանդ չունենանք, արդյո՞ք արդեն ունեցած հիվանդները մեզ կբերեն այդ խորը սորտավորման՝ չեմ կարծում։ Բոլոր հիվանդները, ամեն դեպքում, ստանում են բուժօգնություն, նրանք պարզապես հիվանդանոցներում չեն պառկած, որպեսզի նրանց վիճակը չծանրանա»,- նշեց նախարարը։
Մանրամասները՝ տեսանյութում։
