12.06.2026 | 18:06
Ուկրաինան մտադիր է արևմտյան դաշնակիցներից ևս 20 միլիարդ դոլարի ռազմական օգնություն խնդրել. Politico
ԱՄՆ-ն Հայաստանին հավելյալ 1 միլիոն դոլար կհատկացնի՝ կորոնավիրուսի դեմ պայքարում․ ՀՀ-ում ԱՄՆ դեսպան. ՏԵՍԱՆՅՈՒԹ
Քաղաքականություն
21.05.2020 | 16:39
Գլոբալ առողջապահական հիմնադրամի շրջանակում Հայաստանին հավելյալ 1 միլիոն ԱՄՆ դոլար է տրամադրվելու՝ կորոնավիրուսի դեմ պայքարի համար։ Հայաստանին ուղղված ընդհանուր աջակցության ծավալը 5․4 միլիոն դոլար կկազմի։ Այս մասին այսօր ՝ Հայաստանին ցուցաբերվող ԱՄՆ աջակցության և նոր կորոնավիրուսով պայմանավորված ճգնաժամի շուրջ հայ-ամերիկյան համագործակցության մասին առցանց ուղիղ հեռարձակման ընթացքում նշեց Հայաստանում ԱՄՆ դեսպան Լին Թրեյսին։
«Այս միջոցներն ուղղվում են լաբորատոր կարողությունների ամրապնդմանը, զարգացմանը, ինչպես նաև օգնում են Հայաստանի կառավարությանը՝ նոր կորոնավիրուսի առավել ծանր դեպքերի բուժումն ապահովելու համար։ Մեր համագործակցության շրջանակում սա բոլորովին նոր ուղղություն չէ։ Ըստ էության՝ վերջին 20 տարում ԱՄՆ միջազգային զարգացման գործակալության կողմից 106 միլիոն ԱՄՆ դոլար է հատկացվել Հայաստանին։ Այդ միջոցներն ուղղվել են առողջապահական ծառայությունների հասանելիության և որակի բարելավմանն ուղղված աշխատանքներում, ինչպես նաև իրականացվել են գյուղական ամբուլատորիաների 2/3-րդի վերականգնման և վերակառուցման աշխատանքները»,- ասաց ԱՄՆ դեսպանը։
Մանրամասները՝ տեսանյութում։
Նելլի Մելքոնյան
