18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Կանայք՝ թիրախում. ինչպե՞ս բացառել հանրային գործիչների անթույլատրելի պահվածքը
Հասարակություն
20.05.2020 | 21:28
Վերջին օրերին բուռն կերպով քննարկվում են հանրային դեմք հանդիսացող կանանց վերաբերյալ արված վիրավորական գրառումները։ Մայիսի 16-ին ՀԽ նախագահ Ստյոպա Սաֆարյանն ադրբեջանագետ Անժելա Էլիբեգովայի վերաբերյալ գրառում էր արել՝ նրա գործունեության հետ կապված սուր քննադատությունը համեմելով կանացի ֆիզիոլոգիական որակումներով և վիրավորական ձևակերպումներով։
Մի քանի օր տարբեր գործիչներ դատապարտում էին արված գրառումը։ ԼՀԿ-ական պատգամավոր Անի Սամսոնյանը նշել էր, որ քաղաքացիներ են իրենց դիմում՝ նշելով, որ ցանկանում են վարչապետ Նիկոլ Փաշինյանից պահանջել ՀԽ նախագահին ազատել պաշտոնից։ Մեզ հետ զրույցում Սամսոնյանը մեկ անգամ ևս անընդունելի համարեց Սաֆարյանի գրառումը։ Երեկ՝ մայիսի 19-ին, Սաֆարյանը Հանրայինի եթերում ներողություն խնդրեց Անժելա Էլիբեգովայից։
Իշխող ուժի պատգամավոր Մարիա Կարապետյանը Factor tv-ի հետ զրույցում այս առնչությամբ նշեց. «Ուրախ եմ, որ Ստյոպա Սաֆարյանը երեկ ներողություն խնդրեց տիկին Էլիբեգովայից և հանրությունից։ Կցանկանայի՝ հանրային գործիչները միմյանց սայթաքումներից սովորեն, որ հետո ստիպված չլինեն ներողություն խնդրել»։
Դեռ չէր մարել այս գրառման հետ կապված աղմուկը, երեկ մեկ էլ վիրավորական և անպարկեշտ գրառում հրապարակվեց Ֆեյսբուքում՝ այս անգամ Քաղավիացիայի կոմիտեի ղեկավարին և նրա նորածին երեխային առնչվող։ Ընդ որում, գռաման հեղինակը կայքերից մեկի խմբագիրն է, ժամանակին Նիկոլ Փաշինյանի կողմից իտալացի ռեժիսոր Պազոլինիի հետ համեմատված Արտյոմ Խաչատրյանը։
Կին պատգամավորները բացարձակ անընդունելի են համարում նաև այս դրսևորումը, մանավանդ երբ կնոջ հետ թիրախավորվում է նաև երեխան։ Նշենք, որ երկու դեպքերի առնչությամբ իր գնահատականը հնչեցրեց Մարդու իրավունքների պաշտպան Արման Թաթոյանը։
Մանրամասները՝ տեսանյութում:
Մերի Մարտիրոսյան
