30.08.2026 | 12:31
Վթարային ջրանջատում Քաղաքեռ Զեյթունում
Արդարադատության նախարարը «դուխով» չեղավ. այսպիսի տրամաբանությամբ նա չի կարող աշխատել. Սեդա Սաֆարյան
Քաղաքականություն
20.05.2020 | 18:18
Մտահոգիչ է, որ արդարադատության կարող է հանրության մեջ կուտակված խնդիրները լուծելու հետ կապված անկարողության դրսևորում ունենալ: Վեթինգի թեմայով այսօր կազմակերպված քննարկման ժամանակ այս մասին ասաց փաստաբան Սեդա Սաֆարյանը:
«Այսպես ասեմ՝ «դուխով» չլինել ինչպես որպես իրավաբան, այնպես էլ որպես մարդ, չպատկերացնել, թե ինչ է կատարվել անցյալում և անարդար դատական համակարգի պայմաններում որոշել, որ գործող Սահմանադրությունը խոչընդոտում է այդ արդարությունը վերականգնելուն: Այսպիսի տրամաբանությամբ աշխատել չի կարող նախարարը, և ես վստահ եմ, որ առաջիկայում նա մտածի իր աշխատելաոճը փոխելու կամ ընդհանրապես այդտեղ աշխատելու իր ունակությունների մասին»,- հավելեց փաստաբանը:
Սեդա Սաֆարյանն ասաց՝ քրեական գործերին մասնակցելով՝ ակնհայտ դարձավ, որ դատարանները չեն պահել չեզոքություն, բացարձակապես ենթարկվել են իշխանությանը, ինչը հենց Դատական օրենսգրքով արգելված գործառույթ է:
«Մենք ունեցանք Եվրոպական դատարանից ուղարկված իրավունքի խախտումները հաստատված գործերով որոշումներ, որտեղ արձանագրվեց, որ եռաստիճան դատական համակարգի պայմաններում դատարաններն իրենց գործառույթով չեն զբաղվել: Այսպիսի գնահատականից հետո պահպանել այն համակարգը, որն իր գործառույթով չի զբաղվել, և չընդունել այն փաստը, որ միջազգային կառույցները դեռևս 2009 թվականին բանաձևեր են ընդունել Հայաստանի դեմ, և այս վերափոխումները կապել ինչ-որ ձևական պրոցեսների հետ, ուղղակի անընդունելի է»,- հավելեց Սեդա Սաֆարյանը:
Նրա խոսքով՝ ՀՀ Քրեական օրենսգրքում արդարադատության դեմ ուղղված հանցագործությունների բաժին կա:
«Թող գործերի վերաբացումներին զուգահեռ՝ մեր իրավապահ համակարգը զբաղվեր նաև դրանով, ակնհայտ անարդար դատական ակտեր կայացնողներին կանչեր հարցաքննության, իրականացներ քրեական հետապնդումներ: Եթե կկիրառեր վաղեմություն, ապա դա մեղադրական հիմք կհամարեր, և դատավորների լիազորությունները դադարեցնելու հիմք է: Բազմաթիվ դատավորների լիազորությունները կարելի էր դադարեցնել միայն այդ՝ անարդար դատական ակտեր ունենալու հիմքով: Փաստացի մեր համակարգն այսօր չի գործում, որովհետև վերահսկողները ոչ պակաս դեր ունեն այս ամենի մեջ, որքան այն ստորադաս օղակը, որին իրենք պետք է լծակ լինեին և վերահսկեին: Այսպես խնդիրը չի կարող լուծվել»,- նշեց փաստաբանը:
