Հասարակություն
20.05.2020 | 16:14Այն գումարը, որ մարդիկ տաքսիներին էին տալիս, հիմա պետք է դիմակի համար տան և մեկ օրվա համար երեք դիմակ գնեն։ Այդ մասին այսօր Factor.am-ի հետ զրույցում ասաց ԼՀԿ-ական պատգամավոր Անի Սամսոնյանը։
Նա նշեց, որ սա էլ լրացուցիչ բեռ է քաղաքացիների ուսերին։ Սամսոնյանը նաև հիշեց առողջապահության նախարար Արսեն Թորոսյանի՝ համավարակի սկզբում դիմակի վերաբերյալ դիտարկումները։
«Նախարարը սկզբում ասում էր՝ դիմակ պետք չէ, հիմա բնակչությանը պարտադրվում է դա»,- շեշտեց նա։
Պատգամավորն ընդգծեց, որ այժմ հենց իշխանության խոսքերից մարդիկ կարող են եզրակացնել, որ իշխող ուժը դիմակ կրելը պարտադիր դարձնելու անձնական հետաքրքրություն ունի։ Նույն Թորոսյանն այժմ նշում է, որ դիմակի արտադրություն կա և պարտադիր է դարձվում պաշտպանիչ դիմակ կրելը։
Մանրամասները՝ տեսանյութում:
Մերի Մարտիրոսյան
