15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Պուտինը գազի գնի հետ կապված պատասխանել է Նիկոլ Փաշինյանին և Ալեքսանդր Լուկաշենկոյին. ՏԵՍԱՆՅՈՒԹ
Տնտեսություն
19.05.2020 | 15:06
ԵՏՄ-ում ինտեգրման ներկա մակարդակի պայմաններում գազի տարանցման միասնական սակագին չի կարող ներդրվել: Եվրասիական տնտեսական բարձրագույն խորհրդի՝ տեսակոնֆերանսի ռեժիմով անցկացված նիստում ունեցած ելույթում այս մասին հայտարարել է ՌԴ նախագահ Վլադիմիր Պուտինը:
«Ինչ վերաբերում է գազի մատակարարման և տարանցման ծառայությունների համար միասնական սակագնի մասին մեր հայ և բելառուս ընկերների առաջարկին, ապա մենք կարծում ենեք, որ միասնական սակագին կարող է լինել միայն միասնական շուկայում՝ միասնական բյուջեով և միասնական հարկային համակարգով: Ինտեգրման նման խորը մակարդակի ԵՏՄ-ում առայժմ չենք հասել»,- ասել է ՌԴ նախագահը:
Նա ընդգծել է, որ առայժմ գազի սակագները պետք է ձևավորվեն՝ ելնելով շուկայական կոնյուկտուրայից, հաշվի առնելով մատակարարների ծախսերն ու ներդրումները: Պուտինը պնդմամբ՝ սա սովորական համաշխարհային պրակտիկա է:
Պուտինը կարծում է նաև, որ ԵՏՄ-ում գազի շոիկայում սակագների ձևավորման հարցերը կարող են քննարկվել ավելի ուշ՝ փորձագիտական մակարդակով:
«Եթե մեր հայ և բելառուս ընկերների դիրքորոշումներն անփոփոխ մնան, ապա, հավանաբար, տրամաբանական կլիներ գազին վերաբերող կետն ընդհանրապես բացառել մինչև 2025թ. ԵՏՄ զարգացման Ռազմավարության նախագծից՝ այն այսօր հավանության արժանացնելու համար: Իսկ գազի գնագոյացման հարցում մոտեցումների քննարկումը կարելի է շարունակել Եվրասիական տնտեսական հանձնաժողովի և ԵՏՄ անդամ պետությունների փորձագետների մակարդակով»,- ասել է Վլադիմիր Պուտինը:
Մանրամասները՝ տեսանյութում:
