09.10.2026 | 11:24
Ադրբեջանի քաղաքացին դիմել է Նիկոլ Փաշինյանին՝ «Հայաստանում ապաստան ստանալու» խնդրանքով․ ՏԵՍԱՆՅՈՒԹ
Սևանի ոստիկանները բացահայտել են Գեղամավան գյուղում կատարված դանակահարությունը
Հասարակություն
18.05.2020 | 23:03
ՀՀ ոստիկանությունից տեղեկացնում են, որ մայիսի 13-ին, ժամը 21-ի սահմաններում, բժշկական կենտրոնից ոստիկանության Սևանի բաժնում հաղորդում էր ստացվել, որ թիկունքի կտրած-ծակած թափանցող վերքերով բուժօգնության է տեղափոխվել 23-ամյա մի երիտասարդ:
«Հիվանդանոց մեկնած իրավապահները ճշտեցին երիտասարդի ինքնությունը, զրուցեցին բժշկի հետ, արձանագրեցին ախտորոշումը: Վնասվածքից կարելի էր ենթադրել, որ նրան դանակահարել են: Իսկ թե ով և ինչ հանգամանքներում` հարկավոր էր պարզել:
Քրեական հետախույզները բացահայտման ուղղությամբ անհետաձգելի միջոցառումներ ձեռնարկեցին, որոնց արդյունքում տեղեկություններ ստացվեցին, որ ժամը 20.30-ի սահմաններում Գեղամավան գյուղի ակումբի մոտ, կենցաղային հարցերի շուրջ ծագած վիճաբանության ժամանակ, տուժողին դանակահարել է նույն գյուղի 21-ամյա մի բնակիչ և «ՎԱԶ-2107» մակնիշի մեքենայով դիմել փախուստի:
Բացատրական աշխատանքի արդյունքում մայիսի 15-ին կասկածվողն ինքնակամ ներկայացավ ոստիկանության Սևանի բաժին և ձերբակալվեց:
Հանգամանքները պարզվում են:
Փաստի առթիվ հարուցված քրեական գործի նախաքննությունը շարունակվում է»:
