30.08.2026 | 13:58
Մեսիի հեթ-տրիկն ու «Ինտեր Մայամիի» հաղթանակը 7:1 հաշվով. ՏԵՍԱՆՅՈՒԹ
Պաշտոնեական դիրքի որևէ չարաշահման մասին խոսք լինել չի կարող. Դավիթ Սանասարյան
Քաղաքականություն
18.05.2020 | 20:17
Երևանի ընդհանուր իրավասության դատարանի Շենգավիթի նստավայրում այսօր տեղի ունեցավ ՊՎԾ լիազորությունները ժամանակավորապես կասեցված պետ Դավիթ Սանասարյանի և մյուսների գործով դատական նիստը։ Այսօր շարունակվեց գործում առկա գրավոր ապացույցների հետազոտման փուլը։
Փաստաթղթերից մեկում նշվում էր, որ 2019 թվականի ապրիլի 9-ին Դավիթ Սանասարյանը հրավիրվել է ԱԱԾ, սակայն Սանասարյանը գրություն է ուղղել ԱԱԾ քննչական դեպարտամենտի պետին, որտեղ նշված է եղել, թե հրաժարվում է ներկայանալ հարցաքննության, քանի որ նշված օրը իրեն հարմար չէ։
«Պարո՛ն Սանասարյան, Դուք, կարծես թե, պաշտոնեական դիրքը չարաշահել եք, որովհետև քննիչը ծանուցագիր է ուղարկել, ասել է՝ այսինչ օրը եկեք, Դուք ՊՎԾ ղեկավարի բլանկով իրեն ասում եք՝ ես չեմ կարող գալ հարցաքննության»,- դատավարության ժամանակ ասաց նիստը նախագահող դատավոր Դավիթ Բալայանը։
Սանասարյանը դատական նիստի ժամանակ կատակեց, թե ինքն ի պաշտոնե փորձ չունի քննիչների մոտ հարցաքննվելու։
Ավելի ուշ Factor.am-ի հետ զրույցում պատասխանելով հարցին՝ արդյո՞ք ընդունում է դատավորի նկատառումը, Սանասարյանն ասաց. « ԱԱԾ քննիչը ծանուցագիրն ուղարկել է ՊՎԾ հասցեով, ՊՎԾ ղեկավար Դավիթ Սանասարյանին, և ոչ թե իմ բնակության վայր՝ որպես քաղաքացի, ուստի ես ի պաշտոնե պատասխանել եմ ղեկավարի բլանկով և այստեղ պաշտոնեական դիրքի որևէ չարաշահման մասին խոսք լինել չի կարող»։
Լիլիթ Շաբոյան
