18.09.2024 | 23:26
Շախմատի համաշխարհային Oլիմպիադա․ Հայաստանի տղամարդկանց հավաքականը հաղթեց Անգլիայի ընտրանուն
Մարգարիտա Գրիգորյանը նոր ընկերություն է հիմնել․ Հ1-ի հետ կհամագործակցի՞
18.05.2020 | 19:33
Օրերս պետռեգիստրում Հ1-ի նախկին տնօրեն Մարգարիտա Գրիգորյանի անունով նոր ընկերություն է բացվել՝ «Քոլլաբորեյթ» ՍՊԸ։
Մեր ունեցած տեղեկություններով՝ Գրիգորյանը ցանկանում է Հ1-ի գովազդների նկարահանումները իր նորաստեղծ «փրոդաքշնի» միջոցով իրականացնել։
Հիշեցնենք, որ Մարգարիտա Գրիգորյանը աշխատանքից ազատվեց վարչապետի ուղիղ եթերից առաջ արված կադրերի տարածման միջադեպից հետո։
Ճշտելու համար, թե ինչ գործունեություն է իրականացնելու նորաստեղծ ընկերությունը՝ դիմեցինք Մարգարիտա Գրիգորյանին, որը, լսելով մեր հարցը, պատասխանեց՝ «կահույքի արտադրությամբ»։ «Իսկ եթե լուր՞ջ, Ձեր ընկերությունը չի համագործակցելո՞ւ Հանրայինի հետ»,- մեր հարցի երկրորդմանը Գրիգորյանը արձագանքեց․ «Այնուամենայնիվ Հանրային հեռուստաընկերության հետ չեմ աշխատելու։ Ես կարող եմ զբաղվել ինչով որ ցանկանամ, ինչ-որ թույլ է տալիս Հայաստանի Հանրապետության օրենքը, ես զբաղվելու եմ աշխատանքով, ապրելու եմ Հայաստանում և աշխատելու եմ այստեղ և իմ ընկերությունը չի կարող որևէ կերպ գոյություն չունենալ։ Երբ որ կտեսնեք ինչով եմ զբաղվում, այդ ժամանակ կիմանաք»,- ասաց նա։
Լիլիթ Շաբոյան
