11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Ինչո՞ւ է Շիրակի մարզպետը գնում եռօրյա արձակուրդի
18.05.2020 | 15:14
Վարչապետ Նիկոլ Փաշինյանի որոշմամբ Շիրակի մարզպետ Տիգրան Պետրոսյանին մայիսի 20-22-ը տրամադրվել է արձակուրդ։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 16-րդ մասով և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 10-րդ հոդվածի 13-րդ մասով՝
1. Հայաստանի Հանրապետության Շիրակի մարզպետ Տիգրան Պետրոսյանին տրամադրել 2019-2020 թվականների աշխատանքային տարվա ամենամյա նվազագույն արձակուրդի մասը՝ 2020 թվականի մայիսի 20-22-ը ներառյալ:
2. Տիգրան Պետրոսյանի՝ արձակուրդում գտնվելու ընթացքում Հայաստանի Հանրապետության Շիրակի մարզպետին կփոխարինի Հայաստանի Հանրապետության Շիրակի մարզպետի տեղակալ Վարդան Գրիգորյանը»,- նշվում է վարչապետի որոշման հետ։
Շիրակի մարզպետարանի տեղեկատվության ու հասարակայնության հետ կապերի բաժնից մեզ փոխանցեցին, որ խոսքն ընդամենը 3 աշխատանքային օրվա մասին է․ մարզպետն առողջական խնդիրներ չունի, շուրջօրյա հասանելի է լինելու, քանի որ այս ընթացքում մի շարք կուտակված հանդիպումներ կան, դրանք ավելի ազատ գրաֆիկով անցկացնելու համար է երեքօրյա արձակուրդ վերցրել։
