14.12.2024 | 15:31
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
Սանասարյանի դեմ ցուցմունք տված Սամվել Ադյանը մի քանի անգամ առանց պաշտպանի հանդիպել է քննիչին
Հասարակություն
18.05.2020 | 13:10
ՊՎԾ լիազորությունները ժամանակավորապես կասեցված պետ Դավիթ Սանասարյանի և մյուսների գործով դատական նիստին շարունակվում են ուսումնասիրվել գրավոր ապացույցները։
Դատարանում այսօր մի շարք ուշագրավ ապացույցներ հետազոտվեցին, և այսպես Դավիթ Սանասարյանի դեմ գլխավոր ցուցմունք տված անձը՝ Սամվել Ադյանը, ըստ գործի նյութերի, երեք անգամ դիմել է քննիչին իրեն առանց փաստաբանի ներկայության ընդունելու և առանձնազրույց ունենալու համար։
Այս հանդիպումներից հետո, Ադյանը դիմել է ԱԱԾ քննչական դեպարտամենտի պետին, կրկին խնդրելով իրեն ընդունել առանց պաշտպանի, քանի որ ինքը ցանկանում է ինքնախոստովանական ցուցմունք տալ։
Նշենք, որ մենք տեղեկություն ունեինք, թե Ադյանը ինքնախոստովանական ցուցմունք տվել է ընտանիքի անդամների նկատմամբ ճնշումներ չբանեցնելու դիմաց, ինքը՝ Ադյանը, այս տեղեկություններին անդրադառնալ չէր ցանկանում։
Հիշեցնենք, որ Դավիթ Սանասարյանը մեղադրվում է հեմոդիալիզի գնումների գործով, մեղադրվում է պաշտոնեական լիազորությունները չարաշահելու համար։ Նա իրեն առաջադրված մեղադրանքը չի ընդունում։
Լիլիթ Շաբոյան
