20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Աշոտ Ղուլյանը` մանդատից հրաժարվելու և ԱԳ նախարարի պաշտոնին հավակնելու մասին. ՏԵՍԱՆՅՈՒԹ
Քաղաքականություն
15.05.2020 | 12:45
Մանդատից հրաժարվելու մասին հրապարակվել է երեկ, բայց որոշումը շատ ավելի վաղ է եղել, դիմումը շատ ավելի վաղ է գնացել: Այս մասին այսօր Ստեփանակերտում լրագրողների հետ հանդիպման ժամանակ ասաց Արցախի ԱԺ նախագահ Աշոտ Ղուլյանը՝ պատասխանելով պատգամավորական մանդատից հրաժարվելու և ԱԳ նախարարի պաշտոնին հավակնելու վերաբերյալ մամուլի հրապարակումների մասին հարցին:
«Պարզապես հասկանալով, որ մենք արդեն մոտենում ենք նոր խորհրդարանի անհատական կազմի ձևավորմանը, երեկ ենք այդ տեղեկատվությունը տարածել, որպեսզի ավելորդ բաներ չլինեն: Չնայած ասեկոսեներից խուսափել չի լինում, բայց դիմումը կա, ամսաթիվը գրված է։ Ուզում եմ, որպեսզի այստեղ որևէ բաներ չփնտրենք: Ովքեր հետևել են մեր նախընտրական արշավին, վստահ եմ, որ հիշում են՝ ես մեր բոլոր հանդիպումներին ասել եմ, որ հաջորդ գումարման խորհրդարանում ես, ամենայն հավանականությամբ, չեմ լինելու»,- նշեց նա։
Դա, ըստ Ղուլյանի, կապված է այն գլխավոր մոտեցման հետ, որ խորհրդարանական գործունեության մեջ պետք է միշտ սերնդափոխություն լինի:
Ինչ վերաբերում է Արցախի ԱԳ նախարարի պաշտոնին հավակնելուն, Աշոտ Ղուլյանն ասաց՝ իր պատկերացմամբ, այս հետաքրքրության խորքում կան այս կամ այն պաշտոնի հետ կապված միտումնավոր մրցակցության ուղղորդումներ:
«Ովքեր ինձ ճանաչում են, վստահ եմ՝ պետք է հասկանան, չտրվեն այդպիսի մտավարժանքների: Ենթադրում եմ, որ ԱԳ գործերի նախարարի պաշտոնում նշանակվելու լուրերն ավելի շատ կապված են նախկինում գործադիր իշխանությունում իմ զբաղեցրած պաշտոնի հետ: Բայց այս հարցում որևէ կոնկրետ բան չեմ կարող ասել: Մենք հանդիպել են հանրապետության նորընտիր նախագահի հետ, որևէ կոնկրետ հարց չի քննարկվել, առավել ևս՝ կադրային: Պայմանավորվել ենք, որ այդ հարցերին անդրադառնալու ենք մայիսի 21-ին՝ նախագահի կողմից պաշտոնը ստանձնելուց հետո»,- նշեց Աշոտ Ղուլյանը։
Մանրամասները՝ տեսանյութում:
