Հասարակություն
12.05.2020 | 11:19Այսօր Ազգային ժողովում «Իմ քայլը» խմբակցության պատգամավոր Վաղարշակ Հակոբյանը բավական կոշտ քննադատության ենթարկեց ՄԻՊ 2019 թվականի տարեկան զեկույցը՝ այն գնահատելով անբավարար։
«Ուզում եմ խոսել ՀՀ-ում իշխող հոգեբանական բռնության մթնոլորտի հանդեպ Ձեր զրոյական վերաբերմունքի մասին։ Երկու տարի է անցել հեղափոխությունից և երկու տարի շարունակ իշխանությունը՝ որպես ընդհանուր համակարգ և իշխանության մեջ գտնվող առանձին մարդիկ, ամենօրյա ռեժիմով ենթարկվում են տեռորի, հոգեբանական բռնության, էլ չեմ ասում կանանց մասին ինչեր են խոսում, ինչեր են ասում, ինչ տիպի տեռորի ենթարկում մեր իշխանական կանանց և Ձեր վերաբերմունքը և գնահատականը զրոյական է։ Ես այստեղ միտում եմ տեսնում և ուզում եմ, որ Դուք հստակ հասկանաք, որ Դուք աշխատել եք մինչև հեղափոխությունը և հեղափոխությունից հետո, բայց այս իշխանությունը միակ լեգիտիմ իշխանությունն է, որի օրոք Դուք աշխատել եք։ Ես Չեմ ուզում նստեմացնել Մարդու իրավունքների պաշտպանի կատարած հսկայական աշխատանքը և խոնարհվում եմ պրոֆեսիոնալների առջև, որոնք այնտեղ աշխատում են, բայց ես Ձեր գործողությունների մեջ երկակի ստանդարտներ եմ տեսնում»,- նշեց պատգամավորը՝ ընդգծելով, որ ավելի խորքային է հետևելու ՄԻՊ-ի աշխատանքներին։
Մանրամասները՝ տեսանյութում։
