08.06.2026 | 13:50
WTA. Էլինա Ավանեսյանը մեծ առաջընթաց է գրանցել դասակարգման աղյուսակում
Արցախում չպարզված հանգամանքներում զինծառայող է մահացել
Հասարակություն
10.05.2020 | 22:37
Արցախի ՊԲ զորամասերից մեկում, դեռևս չպարզված հանգամանքներում, զինծառայող է մահացել: Այս մասին տեղեկացնում է Արցախի Պաշտպանության նախարարության մամուլի ծառայությունը:
Հաղորդագրության համաձայն՝ մայիսի 10-ին ժամը 18:25-ի սահմանում ՊԲ արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 2001թ. ծնված Սասուն Սուրենի Մարգարյանը:
Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:
