17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Իր և երեխաների կյանքին վերջ տված տղամարդու կնոջը թիրախավորելը անառողջ կարծրատիպերի արդյունք է. ՏԵՍԱՆՅՈՒԹ
Հասարակություն
07.05.2020 | 21:12
Օրերս ողբերգական դեպք էր գրանցվել Երևանի Մալաթիա-Սեբաստիա վարչական շրջանում։ Նախնական տեղեկությամբ՝ 40-ամյա տղամարդը իններորդ հարկից նետել էր երկու անչափահաս երեխաներին, ապա ինքն էր նետվել։ Թե ինչն էր եղել նման սահմռկեցուցիչ քայլի պատճառը, դեռևս պաշտոնական պարզաբանում չկա։ Քննչական կոմիտեից մեզ փոխանցեցին, որ փորձաքննության արդյունքները դեռևս չեն ստացել։
Ինչևէ, մինչ իրավապահները փորձում են բացահայտել դեպքը, արդեն իսկ տարբեր վարկածներ են շրջանառվում և որ զարմանալի է, սոցիալական ցանցերում շատերը սկսել են մեղադրել երեխաների մորը։
Երեկ թեմային անդրադարձավ անգամ վարչապետի կինը՝ Աննա Հակոբյանը՝ հորդորելով դադարեցնել քննարկումները։
Նա հարցադրում արեց՝ ինչո՞ւ են ցանկացած պարագայում մեր հասարակությունում շտապում մեղադրել կանանց։ Վարչապետի տիկինը նաև հիշեցրեց 2018-ին տեղի ունեցած ողբերգական դեպքը, երբ մայրը իննամյա դտսեր հետ կամրջից ցած էր նետվել, կինն ամուսնալուծված էր և կրկին հասարակությունը առանց հստակ պատճառներն իմանալու՝ սկսեց մեղադրել կնոջը։
«Իմ քայլը» խմբակցության պատգամավոր Գայանե Աբրահամյանն ասում է՝ այս կարծրատիպերը կոտրելու և ընկալումները փոխելու խնդիր ունենք։
«Իրավունքի ուժ» ՀԿ համահիմնադիր Արման Ղարիբյանն ասում է մեր հասարակության մեջ կնատյացության մակարդակը բարձր է, և այս բոլոր քննարկումները դրա հետևանքն են։ Ղարիբյանը կարծում է, որ այստեղ անելիք ունեն ինչպես Կրթության գիտության, սպորտի և երիտասարդության նախարարությունը, այնպես էլ լրատվամիջոցները, և հատկապես Հանրային հեռուսատատեսությունը և ռադիոն։
Մանրամասները՝ տեսանյութում։
Լիլիթ Շաբոյան
