08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքուն արձագանքել է Նիկոլ Փաշինյանի՝ արցախյան բանակցությունների վերաբերյալ հայտարարությանը
Քաղաքականություն
07.05.2020 | 15:00
Բաքուն արձագանքել է ՀՀ վարչապետ Նիկոլ Փաշինյանի՝ արցախյան բանակցությունների վերաբերյալ Ազգային ժողովում արած հայտարարությանը՝ նշելով, որ Հայաստանն է խոչընդոտում հակամարտության կարգավորմանը:
Տեղական լրատվամիջոցների փոխանցմամբ՝ Ադրբեջանի ԱԳՆ խոսնակ Լեյլա Աբդուլաևան ասել է, թե Նիկոլ Փաշինյանի հայտարարությունը, որ ԼՂ հակամարտության կարգավորման հարցում իր դիրքորոշումը 2018 թվականից ի վեր չի փոխվել, ցույց է տալիս, որ հենց Հայաստանն է խոչընդոտում հակամարտության կարգրավորմանն ու տարածաշրջանում խաղաղության և անվտանգության հաստատմանը:
«Այս հայտարարությունը հստակ ցույց է տալիս, թե ով է հրաժարվում բանակցություններից և միջազգային հանրության պահանջների կատարումից, առաջին հերթին՝ ՄԱԿ-ի Անվտանգության խորհրդի բանաձևերի, այդպիսով խոչընդոտելով հակամարտության կարգավորումը: Ցանկացած լարվածության պատասխանատվությունը, որը կարող է առաջանալ հակամարտության կարգավորման շրջանակում, ընկնում է հայկական կողմի վրա»,- ասել է Բաքվի ներկայացուցիչը:
