30.08.2026 | 15:10
Կիմ Չեն Ընը փոխել է ԿԺԴՀ-ի պաշտպանության նախարարին
Որ տնտեսվարողները կարող են կառավարությունից 30 մլն դրամ ստանալ. ներկայացնում է Հակոբ Արշակյանը. ՏԵՍԱՆՅՈՒԹ
Տնտեսություն
07.05.2020 | 12:00
Կառավարության այսօրվա նիստում հաստատվեց կորոնավիրուսի տնտեսական հետևանքների չեզոքացման 17-րդ միջոցառումը: Դրանով նախատեսվում է դրամաշնորհներ տրամադրել բարձր տեխնոլոգիաների ոլորտի տնտեսավարողներին:
Բարձր տեխնոլոգիական արդյունաբերության նախարար Հակոբ Արշակյանի խոսքով՝ նոր տիպի կորոնավիրուսի տարածման հետևանքով ստեղծված տնտեսական իրավիճակը բացասաբար է ազդել նաև բարձր տեխնոլոգիական արդյունաբերության ոլորտում գործունեություն ծավալող ընկերությունների վրա:
«Նախարարությունը ոլորտի ներկա իրավիճակի ուսումնասիրություն է կատարել, հարցում է իրականացվել 185 ընկերությունների շրջանում և վերլուծություն, որի արդյունքում պարզվել է, որ հարցմանը մասնակցած ընկերությունների 54 տոկոսի մոտ ֆինանսական շրջանառության առումով բացասական արդյունքներ են գրանցվել, իսկ մարդկային ռեսուրսի զբաղվածության ցուցանիշով ընկերությունների՝ միջինում 45 տոկոսի մոտ առաջացել են ազատ ռեսուրսներ»,- նշեց նա:
Ըստ նախարարի՝ ոլորտի համար մշակվել են դրամաշնորհային փաթեթներ, որի նպատակն է օժանդակել կորոնավիրուսի տարածման հետևանքով ՀՀ բարձր տեխնոլոգիաների ոլորտի առանձին տնտեսավարողների մոտ առաջացած դժվարությունների հետևանքով արդյունավետ աշխատատեղերի պահպանմանը, նաև խթանել ոլորտում նորարարական գաղափարների իրագործմանը և առևտրայնացմանը։
Մանրամասները՝ տեսանյութում:
