12.12.2024 | 12:42
Պաշտպանը հրապարակեց ԱԱԾ պետի տեղակալի և Ռուբեն Վարդազարյանի միջև խոսակցությունների բովանդակությունը․ ՏԵՍԱՆՅՈՒԹ
Եթե ԱԱԾ-ն ու Ոստիկանությունը վարչապետի հրահանգներն են կատարում, անիմաստ է խոսել իրավական պետությունից. Ավետիք Իշխանություն. ՏԵՍԱՆՅՈՒԹ
Հասարակություն
06.05.2020 | 19:32
Եթե քննչական մարմինները, ԱԱԾ-ն, Ոստիկանությունը գործում են որպես վարչապետին կից կառույցներ և կատարում են նրա հրահանգները, այդ դեպքում անիմաստ է խոսել իրավական պետության մասին: «Ինչո՞ւ և ինչպե՞ս են կարևորագույն մեղադրյալները լքում Հայաստանը կամ հետախուզվում» թեմայով քննարկման ժամանակ նման կարծիք հայտնեց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը:
«Եթե ուզում ենք իրավական պետություն ստեղծել, ապա քննչական մարմինները պետք է լինեն սահմանադրական մարմիններ և պետք է կատարեն ոչ թե ցուցումներ, այլ գործեն օրենքին համապատասխան: Արդյո՞ք այս ուղղությամբ որևէ աշխատանք տարվում է: Իմ տպավորությամբ՝ ոչ: Հակառակը, քաղաքական իշխանությանն այս կառույցների ենթարկվածության խնդիր է դրված»,- նշեց նա:
Իշխանյանի խոսքով՝ ճիշտ չէ անձերի փոխելով՝ խոսել իրավական պետության մասին:
Հարցին՝ այդ դեպքում հնարավո՞ր է իրականացնել թալանածը հետ բերելու, նախկիններին պատասխանատվության ենթարկելու՝ վարչապետի խոստումը, Ավետիք Իշխանյանը պատասխանեց. «Դա կլինի ընտրովի արդարադատություն, որը արդարադատություն չէ: Եվ արդեն մենք դա տեսնում ենք»:
Մանրամասները՝ տեսանյութում:
