Քաղաքականություն
06.05.2020 | 14:09Մենք ինչ ասել ենք, իշխանությունները դրանք հարյուր տոկոսով իրականացնում են: ԱԺ-ում լրագրողների հետ ճեպազրույցում այս մասին հայտարարեց «Լուսավոր Հայաստան» խմբակցության ղեկավար Էդմոն Մարուքյանը:
«Բայց մի հատ նրբություն կա. սկզբից վիճում են, կռվում են, ինչ ասես՝ ասում են, հետո շատ ուշ դա անում են: Հիմա՝ այդ ուշ անելու ընթացքում երկիրն ի՞նչ է կորցնում, միասին պետք է գնահատենք»,- ասաց նա:
Անդրադառնալով Արգիշտի Քյարամյանին ԱԱԾ տնօրենի պաշտոնում նշանակելուն և պատասխանելով հարցին՝ ի՞նչ կարող է նա փոխել այդ կառույցում, Մարուքյանն ասաց. «Մոտավորապես դա քյանդրբազություն է: Նույն բանն արել է Սերժ Սարգսյանը Կուտոյանի նշանակման ժամանակ: Առանց դրա թող ուղիղ նշանակումներ անի, ազնիվ: Եվ ասի, որ քաղաքական է, այս մարդուն եմ վստահում՝ նրան եմ նշանակում»:
Մանրամասները՝ տեսանյութում:
