02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Կոռուպցիայի դեմ պայքարը տապալված է․ ի զարմանս ինձ՝ դրա հետ համաձայն է նաև վարչապետը․ Նորայր Նորիկյան. ՏԵՍԱՆՅՈՒԹ
Քաղաքականություն
06.05.2020 | 13:57
2018 թվականից մինչ օրս չկա գեթ մեկ օրինական ուժի մեջ մտած դատական ակտ՝ թեկուզ հրապարակված, բայց օրինական ուժի մեջ դեռևս չմտած կամ բողոքարկման փուլում գտնվող, որը հնարավորություն կտա արձանագրելու, որ որևէ կոռուպցիոն գործով Հայաստանի Հանրապետության դատարաններն իրականացրել են արդարադատություն և հրապարակել մեղադրական դատական ակտ։ Այս մասին այսօր «Ինչու՞ են կարևոր մեղադրյալները լքում Հայաստանը կամ հետախուզվում» թեմայով քննարկմանը նշեց փաստաբան Նորայր Նորիկյանը։
«2018 թվականից սկսած՝ կոռուպցիայի դեմ պայքարն ամբողջությամբ տապալված է և, ի զարմանս ինձ, այդպիսի գնահատականի հետ համաձայն է վարչապետ Փաշինյանը։ Նա նույնպես ընդունում է, որ կոռուպցիայի դեմ պայքարում չենք հասել շոշափելի հաջողությունների, որոնք ունեն օբյեկտիվ և սուբյեկտիվ պատճառներ»,- ասաց նա:
Նորիկյանի խոսքով՝ պետք է արձանագրել, որ Հայաստանի դատաիրավական համակարգն ամբողջությամբ պատրաստ չէր այս գործերով իրականացնել օբյեկտիվ, բազմակողմանի և լրիվ քննություն։
«Կյանքն ապացուցում է, որ մեր դատաիրավական համակարգն իր պրոֆեսիոնալիզմով, ունեցած սոցիալական կապերով, արդարադատություն իրականացնելու վճռականությամբ պատրաստ չէր իրականացնելու իր առջև դրված խնդիրը»,- հավելեց փաստաբանը։
Մանրամասները՝ տեսանյութում:
