30.08.2026 | 15:10
Կիմ Չեն Ընը փոխել է ԿԺԴՀ-ի պաշտպանության նախարարին
Ոմանք փորձում էին կոմունալների դրոշով հակահեղափոխություն անել. Նիկոլ Փաշինյան. ՏԵՍԱՆՅՈՒԹ
Քաղաքականություն
06.05.2020 | 13:28
ՀՀ Կառավարությանն այսօրվա դրությամբ հաջողվել է ճգնաժամը հաղթահարել այնպես, որ մենք կարող ենք վստահ խոսել սոցիալական ճգնաժամի բացակայության մասին: Այս մասին այսօր Ազգային ժողովում ասաց ՀՀ վարչապետ Նիկոլ Փաշինյանը՝ ներկայացնելով Կառավարության ծրագրի 2019 թվականի կատարման ընթացքի և արդյունքների մասին զեկույցը:
«Ես Ձեզ հիմա ավելի սենսացիոն տվյալներ ասեմ։ Դուք գիտեք, թե ինչքան քննարկվեց կոմունալ վճարների թեման։ Դա դարձել էր մի ժամանակ ներքաղաքական թիվ մեկ թեման, ոմանք նույնիսկ ուզում էին կոմունալների դրոշով հակահեղափոխություն անել։ Մենք կոմունալների հետ կապված 4 ծրագիր ենք իրականացրել, մոտավորապես 5 մլրդ դրամ փոխհատուցել ենք ՀՀ քաղաքացիների կոմունալ վճարները այն կանխավարկածով, որ մարդիկ պարտք են, չեն կարողանում վճարել, և մենք պետք է իրենց աջակցենք։ Իհարկե՝ սա մի հսկայական սեգմենտի համար ճիշտ է, բայց այսօրվա դրությամբ մեր փոխանցումներից մոտավորապես 2 մլրդ դրամը հաշիվներին նստել է որպես կանխավճար»,- ասաց Փաշինյանը՝ ընդգծելով, որ մոտավորապես 1.2 միլիարդ դրամը նստել է այն մարդկանց հաշիվներին, ովքեր իրականում դրա կարիքը չունեն, այդ թվում՝ ԱԺ պատգամավորների հաշիվներին։
Փաշինյանն այս մարդկանց հորդորեց ստացված գումարը փոխանցել որևէ կարիքավոր ընտանիքի։
Մանրամասները՝ տեսանյութում։
