12.06.2026 | 15:42
Վարույթներ կան, որոնցով անցնում են ՌԴ-ից եկած քաղաքացիները. Արփինե Սարգսյան. ՏԵՍԱՆՅՈՒԹ
Կարեն Կարապետյանին հրավիրել են ԱԺ քննիչ հանձնաժողով
Քաղաքականություն
06.05.2020 | 12:11
Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը նախկին վարչապետ Կարեն Կարապետյանին հրապարակավ հրավիրել է քննիչ հանձնաժողով՝ հարցերի պատասխանելու։ Այս մասին Factor.am-ի հետ զրույցում ասաց Անդրանիկ Քոչարյանը։
Նա նշեց, որ Կարեն Կարապետյանն առաջիկայում գալու է Հայաստան՝ մայիսի 8֊ին Ռոբերտ Քոչարյանի դատավարությանը մասնակցելու համար, ուստի կարող է այդ օրերի ընթացքում մասնակցել հանձնաժողովի նիստին։ Անդրանիկ Քոչարյանն ասաց, որ Կարապետյանը որևէ կերպ չի արձագանքել հրավերին։
Հիշեցնենք, որ վարչապետ Կարեն Կարապետյանը կառավարություն-ԱԺ հարցուպատասխաններից մեկի ժամանակ հայտնել էր, որ անորակ վառելիքի պատճառով ապրիլյան պատերազմի ժամանակ հայկական կողմի զինտեխնիկան չի աշխատել:
«Ունենք կասկած, որ վառարանային վառելիքը հետո գնում է, կերոսինի հետ խառնվում է, և մենք շուկայում ունենում ենք անորակ նավթամթերք: Դուք շատ լավ հիշում եք, որ ապրիլյան դեպքերի ժամանակ մենք ունեինք բազմաթիվ դեպքեր, երբ որ մեր ռազմական տեխնիկան չէր աշխատում հենց դրա պատճառով»,- ասել էր Կարեն Կարապետյանը ԱԺ ամբիոնից։
Նարեկ Կիրակոսյան
