31.01.2026 | 23:36
Եվրո-2026․ Ֆուտզալի Հայաստանի հավաքականն ավարտեց ելույթը
ՊՆ նախարար Վիգեն Սարգսյանը խոստանում է, սակայն առայժմ չի անում. ԵզրաԿԱՑՈՒԹՅՈՒՆ
Հաղորդաշարեր
13.11.2017 | 19:23
Նոյեմբերի 8-ին Տավուշի մարզի Ներքին Կարմիրաղբյուր համայնք այցելած Պն նախարար Վիգեն Սարգսյանը, արձագանքելով բնակիչներից մեկի դիտարկմանը, թե պետք է այնպես անել, որ նախարարի և իր որդու միջև տարբերություն չլինի, հայտարարել է.«Դա շատ կարևոր է: Դրա համար պետք է տարկետումների համակարգին շատ խիստ մոտենալ. թե՛ կրթական, թե՛ առողջական, թե՛ բոլոր մնացած: Մենք հիմա նաև առաջարկել ենք, որ հայտարարագրում, որն ամեն պաշտոնյա լրացնում է, անպայման գրվի՝ ինքը ու իր երեխան ծառայե՞լ են, թե՞ չեն ծառայել: Եթե ծառայել են՝ որտե՞ղ են ծառայել, եթե չեն ծառայել տարկետում ունե՞ն ու ինչ պատճառով տարկետում ունեն, որպեսզի մեր հասարակությունն էլ իմանա»:
Մինչդեռ հունիսի 28-ին բարձրաստիճան պաշտոնյաների որդիների՝ պարտադիր զինվորական ծառայություն անցնելու մասին Վիգեն Սարգսյանին ուղղված Factor.am-ի գրավոր հարցմանն ի պատասխան՝ Պաշտպանության նախարարությունից մերժել էին հայտնել նրանց ծառայության վայրը, ինչպես նաև՝ տարկետմամբ ազատ արձակվելու հիմքերը՝ հղում անելով անձնական տվյալների գաղտնիությանը:
Այդպիսով՝ Պաշտպանության նախարարությունից հնարավոր չեղավ պարզել, թե որ պաշտոնյայի որդին որտեղ է ծառայել, իսկ եթե չի ծառայել՝ ինչու:
