12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Շրջակա միջավայրի նախարար Էրիկ Գրիգորյանը աշխատանքից ազատման դիմում է գրել
Քաղաքականություն
05.05.2020 | 16:03
Factor.am-ի տեղեկություններով, Շրջակա միջավայրի նախարար Էրիկ Գրիգորյանը աշխատանքից ազատման դիմում է ներկայացրել վարչապետ Նիկոլ Փաշինյանին։
Պարզելու համար տեղեկության իսկությունը՝ Factor.am-ը փորձեց կապ հաստատել նախարարի հետ, նա, սակայն, պարբերաբար անջատում էր հեռախոսը։ Իսկ ահա նախարարի մամուլի քարտուղար Դավիթ Գրիգորյանն էլ, լսելով մեր հարցը, ասաց, որ որևէ մեկնաբանություն չունի։
Հիշեցնենք, որ շրջակա միջավայրի նախարարի պաշտոնն Էրիկ Գրիգորյանը ստանձնել է 2019թ. հունիսի 1-ից: Նա ծնվել է 1979 թվականին Կապան քաղաքում: 2004-2005 թվականներին սովորել է Էգեյան համալսարանի, բնապահպանական գիտությունների ֆակուլտետում, ուսումնասիրել է շրջակա միջավայրի կառավարման և քաղաքականության միջազգային անսպիրանտական ծրագիրը։ 2007 թվականին սովորել է Դրեզդենի տեխնոլոգիական համալսարանում, ուսումնասիրել է շրջակա միջավայրի կառավարման միջազգային հետբուհական դիպլոմավորված ծրագիրը։ 2008-2009 թվականներին սովորել է Սալոնիկի Արիստոտելի համալսարանում, ստացել է դոկտորական ուսում, ուսումնասիրել է շրջակա միջավայրի տնտեսագիտությունը։ Աշխատել է էկոհամակարգերի տարբեր ծրագրերում։ 2017 թվականի փետրվարի 22-ից աշխատել է Հայաստանի Հանրապետության վարչապետի օգնական։
