Հասարակություն
05.05.2020 | 13:46Այսօր ԱԻՆ-ը հայտնել էր, որ Երևանի ՀԱԹ Բ2 թաղամասի թիվ 91 շենքի բնակարաններից մեկի բնակիչը 9-րդ հարկից ցած է նետել երկու անչափահաս երեխաներին, այնուհետև ինքն է ցած նետվել։ Տղամարդը եղել է քառասուն տարեկան, երեխաները 5 և 7:
Դեպքի վայր մեկնած Factor.am-ի նկարահանող խումբը տեղում ֆիքսեց, որ ՔԿ-ն քննչական գործողություններ է իրականացնում, շենքի բակում արյան հետքերը լվացել էին։
Հարևանները ապշահար էին դեպքից, նրանք նշում էին, որ տղամարդու վարքագծում տարօրինակ որևէ բան չեն նկատել։ Նրանք նաեւ հայտնեցին, որ սահմռկեցուցիչ այդ քայլին դիմած տղամարդու՝ կնոջից ամուսնալուծված լինելու մասին տեղեկությունները չեն համապատասխանում իրականությանը, նաեւ նշեցին, որ ընտանիքում անհաշտություն չեն նկատել։
Մանրամասները՝ տեսանյութում։
