01.07.2026 | 11:41
Մեկ օրում բացահայտվել է 74 հանցագործություն
Արցախում ականի պայթյունից զինծառայող Տարոն Պողոսյանի մահվան դեպքի առթիվ քրգործ է հարուցվել. ՔԿ
Հասարակություն
05.05.2020 | 12:37
Արցախում երեկ երեկոյան ականի պայթյունից զինծառայողի մահվան դեպքի առիթով քրեական գործ է հարուցվել: Այս մասին տեղեկանում ենք ՀՀ Քննչական կոմիտեի մամուլի ծառայությունից:
2020թ. մայիսի 04-ին՝ ժամը 19:05-ի սահմաններում, հիշեցնենք, N զորամասի պահպանության տեղամասի մարտական դիրքում ինժեներական աշխատանքներ կատարելու ընթացքում ականի պայթյունի հետևանքով մահացու վնասվածք է ստացել մայոր Տարոն Ռուբիկի Պողոսյանը:
Դեպքի առթիվ երկրորդ կայազորային քննչական բաժնում ՀՀ քրեական օրենսգրքի 376-րդ հոդվածի (անփույթ վերաբերմունքը ծառայության նկատմամբ) 2-րդ մասով հարուցվել է քրեական գործ, կատարվում է նախաքննություն:
Ձեռնարկվում են անհրաժեշտ քննչական և այլ դատավարական գործողություններ՝ դեպքի բազմակողմանի, լրիվ և օբյեկտիվ քննությունն ապահովելու համար:
