09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Առաջարկում ենք օրենքով ամեն ամիս վետերանները այդ պատվովճարները ստանան․ Էնֆիաջյան. ՏԵՍԱՆՅՈՒԹ
Քաղաքականություն
05.05.2020 | 11:58
ԱԺ այսօրվա նիստում «Բարգավաճ Հայաստան» խմբակցության պատգամավոր Վահե Էնֆիաջյանն առաջարկում էր հերթական նստաշրջանի օրակարգ ընդգրկել «Հայրենական մեծ պատերազմի վետերանների մասին» օրենքում փոփոխություններ կատարելու մասին օրենքի նախագիծը։
Դրանով առաջարկվում է Երկրորդ աշխարհամարտում հաղթանակի 75-ամյակի առիթով վետերանների ամսական պատվովճարը կրկնապատկել՝ 100 հազար դրամից հասցնելով 200 հազար դրամի:
«Ինչո՞ւ խորհրդարանը չորոշի Մեծ հայրենական պատերազմի մասնակիցների պատվովճարի սահմանումը։ Հարյուր ձևի հարց ենք բերում, 24-ժամյա ռեժիմով ամենատարաբնույթ խնդիրները բերում, քննարկում ենք: Անհրաժեշտության դեպքում կարող ենք նույն ձևով բերել նաև այս օրենքի նախագիծը, քննարկենք, եթե տեխնիկական խնդիրների մասին եք խոսում»,- նշեց պատգամավորը։
ԱԺ-ն, սակայն, քվեարկությամբ մերժեց օրենքի նախագիծը օրակարգ ընդգրկելու և քննարկելու առաջարկը:
Մանրամասները՝ տեսանյութում:
