11.06.2026 | 22:59
ԿԸՀ-ն անվավեր ճանաչեց 10/51 ընտրատեղամասի արդյունքները. ՔՊ-ն այնտեղ 630 քվե էր ստացել, «Ուժեղ Հայաստանը»` 222
ՊՎԾ-ն, փաստացի, ղեկավար չունի
Քաղաքականություն
04.05.2020 | 23:06
Քիչ առաջ հայտնի դարձավ, որ վարչապետ Նիկոլ Փաշինյանի որոշմամբ Արգիշտի Քյարամյանն ազատվել է Պետական վերահսկողական ծառայության ղեկավարի տեղակալի պաշտոնից: Նա միաժամանակ կատարում էր ծառայության պետի պարտականությունները:
Ըստ էության, այժմ կարևոր գերատեսչություններից մեկը՝ ՊՎԾ-ն, ղեկավար չունի:
Կառավարության պաշտոնական կայքի համաձայն, վարչապետի նոր որոշում առայժմ չկա և հայտնի չէ, թե ով է ղեկավարելու պետական վերահսկողական ծառայությունը:
ՊՎԾ-ից էլ փոխանցեցին, որ դեռ նոր հրաման չկա և չգիտեն, թե ով է կառույցի ղեկավարի պարտականություններն իրականացնելու:
Հիշեցնենք, որ Արգիշտի Քյարամյանը ՊՎԾ-ում աշխատանքի էր անցել 2019 թվականի ապրիլի 10-ին, իսկ պետի պաշտոնակատար նշանակվել ապրիլի 26-ին: Նա պաշտոնավարման հենց առաջին օրերից հայտնվեց սկանդալների կենտրոնում: Մասնավորապես, կառավարությունում Factor.am-ի հարցերին ի պատասխան, հրաժարվել էր մանրամասնել, թե իր և կնոջ հայտարարագրում առկա միլիոններն ինչ ծագումնաբանություն ունեն: Սակայն ավելի ուշ նշեց, որ դրանք ազգականներն են փոխանցել:
Այնուհանդերձ, նրա պաշտոնավարման օրոք ՊՎԾ-ն ուշագրավ բացահայտումներ արեց:
Արգիշտի Քյարամյանն այսօրվանից զբաղեցնում է ՔԿ նախագահի տեղակալի պաշտոնը:
Հիշեցնենք, որ իշխանափոխությունից հետո ՊՎԾ պետ նշանակվեց Դավիթ Սանասարյանը: Նա անցնում է քրեական գործով և լիազորությունները կասեցված են։
Նարեկ Կիրակոսյան
