13.10.2026 | 14:10
Հայաստանն ու Լեհաստանը քննարկել են տնտեսական դիվանագիտության ոլորտում համագործակցության ընդլայնումը
Գուրգեն Խաչատրյանը կալանավորված չէ. Ամրամ Մակինյան
Հասարակություն
04.05.2020 | 19:14
Երեկ դատարանը որոշեց կալանավորել «Գալաքսի» ընկերությունների խմբի նախագահ, ՊԵԿ նախկին նախագահի որդի Գուրգեն Խաչատրյանին: Սակայն մինչ այս պահը չկա պաշտոնական տեղեկություն այն մասին, որ նա կալանավորված է։
Հիշեցնենք, որ Գուրգեն Խաչատրյանին նախկինում առանձնապես խոշոր չափով յուրացմանն օժանդակելու մեղադրանք է առաջադրված եղել, ԱԱԾ-ն մեղադրանքը լրացրել է փողերի լվացման և առանձնապես խոշոր չափով կաշառք ստանալուն օժանդակելու հոդվածներով:
Թեմայի շուրջ factor.am-ը զրուցել է նրա պաշտպան Ամրամ Մակինյանի հետ:
-Պարոն Մակինյան, Գուրգեն Խաչատրյանի կալանքի որոշումն արդեն ուժի մեջ մտե՞լ է:
-Որոշումն ուժի մեջ է մտել հրապարակման պահից:
-Հիմա նա որտե՞ղ է:
-Գուրգեն Խաչատրյանը Ձեր հարցին պատասխանել էր:
-Նկատի ունեմ՝ քրեակատարողական հիմնարկում է, թե՝ ոչ:
-Ոչ:
-Որտե՞ղ է:
-Ես չեմ կարող Ձեր հարցին պատասխանել, նա պատասխանել է:
-Թաքնվու՞մ է իրավապահներից:
-Չի թաքնվում, Գուրգեն Խաչատրյանը պատրաստ է ներկայանալ:
-Երբ, այսինքն նա հիմա թաքնվու՞մ է իրավապահներից։
-Երբ գործընթացները կգան քրեադատավարական դաշտ:
-Եթե կալանքի որոշումը կա, և նա չկա, սա թաքնվե՞լ չէ:
-Երբ գործընթացները իրավական չեն, օրենքից դուրս են խախտումներով, ինչի՞ մասին է խոսքը:
Հիշեցնենք, որ դատարանը որոշել է Գուրգեն Խաչատրյանին կալանավորել:
Նարեկ Կիրակոսյան
