17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Միքայել Մինասյանի հայտարարության վերաբերյալ նյութերը Դատախազությունը ՀՔԾ է ուղարկել
Հասարակություն
04.05.2020 | 16:59
Վատիկանում ՀՀ նախկին դեսպան, Սերժ Սարգսյանի Միքայել Մինասյանի՝ ֆեյսբուքյան տեսանյութում հնչեցրած հայտարարությունների վերաբերյալ լրատվամիջոցների հրապարակումներն արձանագրվել են Գլխավոր դատախազությունում և ուղարկվել Հատուկ քննչական ծառայություն: Factor.am-ի հետ զրզույցում այս մասին ասաց Գլխավոր դատախազության հասարակայնության հետ կապերի վարչության պետ Արևիկ Խաչատրյանը:
ՀՔԾ-ից, միաժամանակ, մեզ փոխանցեցին, որ այս պահին դեռ չեն ստացել նյութերը:
Միքայել Մինասյանը, հիշեցնենք, հայտարարել էր, թե ԱԱԾ տնօրեն Արթուր Վանեցյանը վարչապետ Նիկոլ Փաշինյանի հանձնարարությամբ ցանկություն է հայտնել տեսակցել իր հետ:
«Ասաց՝ մենք ունենք քեզ հետևյալ առաջարկը՝ դու մուծվում ես սիմվոլիկ գումար, կքննարկենք ուր՝ ինչ-որ հիմնադրամ կամ պետական հիմնադրամ, հստակ չձևակերպեց, որից հետո դու առաջիկա տարիներին երբեք Հայաստան չես գալիս, բոլոր այն մարդիկ, որոնք առնչվում են քեզ հետ, լսում են քո խոսքը, իրենք դադարում են պայքարել Նիկոլ Փաշինյանի դեմ, դու դառնում ես ապաքաղաքական մարդ, շարունակում ես ապրել Հայաստանից դուրս, բայց մենք պայմանավորվում ենք՝ բոլոր քրեական հետապնդումները դադարեցվում են, խոսքը գնում է հորս ու ընկերներիս մասին։ Մենք միանգամից դառնում ենք իրար չճանաչող լավ բարեկամներ»,- նշել էր Մինասյանը:
Լիլիթ Շաբոյան
