17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Մարդաշատ փողոցներ ու հերթեր բանկերի մոտ. ինչ իրավիճակ է Գյումրիում. ԼՈՒՍԱՆԿԱՐՆԵՐ
Հասարակություն
04.05.2020 | 16:43
Այսօրվանից՝ մայիսի 4-ից նոր փոփոխություններ են գործում արտակարգ դրության ընթացքում կիրառվող սահմանափակումներում։ Մասնավորապես, հանվել են ազատ տեղաշարժման սահմանափակումները, թույլատրվում է տնտեսական տարբեր տեսակների գործունեությունը։
Սահմանափակումների մեղմացմանը զուգահեռ՝ կյանքը Գյումրիում, կարծես, մտնում է բնականոն հուն։ Չնայած առավոտից Գյումրիում տեղացող հորդառատ անձրևին՝ փողոցները բավական մարդաշատ են։
Մարդկանց թիվը հատկապես մեծ է բանկերի ու բանկոմատների մոտ, ինչը պայմանավորված է պետության կողմից տրվող սոցիալական աջակցության գումարների ստացմամբ։ Անվտանգության ցուցումներից ելնելով՝ մարդկանց առանձին-առանձին են ներս թողնում բանկեր, այդ պատճառով մուտքերի մոտ հերթեր են գոյանում։
Քաղաքում նկատելի է նաև երթևեկության աշխուժացում, չնայած հասարակական տրանսպորտը դեռևս չի աշխատում։
Վերաբացվել են հագուստի, էլեկտրատեխնիկայի խանութները, վարսավիրանոցներն ու բացօթյա սրճարանները։ Այսօր գործող մի քանի բացօթյա սրճարան կա. որոշները դեռ փակ են կամ աշխատում են առաքմամբ: Հագուստի ու կոշիկի խանութների մի մասը ևս շարունակում է փակ մնալ։
Հագուստի տարբեր խանութների աշխատակիցներ Factor.am-ի հետ զրույցում ասացին՝ ուրախ են կրկին աշխատանքի վերադառնալու համար: Նրանք, սակայն, նշեցին, որ առևտուր չկա:
Էմմա Չոբանյան
