17.09.2026 | 22:19
Սան Պաուլո. Էլինա Ավանեսյանը պարտվեց Ալինա Չարաևային
10 մեքենա ու մոտոցիկլետ տեղափոխվել են պահպանվող հատուկ տարածք․ ՃՈ ուժեղացված ծառայություն Երևանում
Հասարակություն
04.05.2020 | 17:11
Մայիսի 2-ին ճանապարհային ոստիկանության ճանապարհապարեկային ծառայության բաժնի և առաջին սպայական գումարտակի ծառայողներն ուժեղացված ծառայություն իրականացրին մայրաքաղաքում։
«Արդյունքում՝ տարբեր խախտումների համար ճանապարհային ոստիկանության պահպանվող հատուկ տարածք տեղափոխվեց մեկ տասնյակ մեքենա և մոտոցիկլետ։
Հայտնաբերվեցին նաև 12 տրանսպորտային միջոցների վարորդներ, որոնց մեքենաները չունեին ԱՊՊԱ պայմանագիր, իսկ մի մեքենայի վարորդ երթևեկում էր փոխարինված տրանզիտ համարանիշով։
2 վարորդ երթևեկում էին ժամկետանց համարանիշով, 2 մեքենայի առջևի հողմապակին թույլատրելիից մուգ էր, ևս 2 մեքենայի խլացուցիչ վերասարքավորված էր բարձր ձայնով երթևեկելու համար։
Ճանապարհային ոստիկանների ուշադրության կենտրոնում էին նաև միտումնավոր խախտումներ կատարող, բարձր ձայնով և արագությամբ երթևեկող մոտոցիկլիստները։
Հայտնաբերվեց 2 մոտոցիկլետ, որոնք առանց համարանիշի էին։
Հայտնաբերված բոլոր խախտումներով կազմվեցին վարչական իրավախախտման վերաբերյալ արձանագրություններ։
Հարգելի՛ վարորդներ, կոչ ենք անում պահպանել ճանապարհային երթևեկության կանոնները։ Ճանապարհային ոստիկանության ուժեղացված ծառայությունները շարունակական են»,- ասված է հաղորդագրությունում:
